ՀՀ կթրության և գիտության նախարար Լևոն Մկրտչյանը ընդունել է ԱՄՆ Խաղաղության կորպուսի հայաստանյան գրասենյակի պատվիրակությանը
ՀՀ կրթության և գիտության նախարար Լևոն Մկրտչյանն ընդունել է «ԱՄՆ Խաղաղության կորպուսի» (ԽԿ) հայաստանյան գրասենյակի պատվիրակությանը` նորանշանակ տնօրեն Սանի Լուի գլխավորությամբ:
Ողջունելով հյուրերին` նախարարը կորևորել է ԽԿ-ի կամավորների ավելի քան 20 տարվա կատարած աշխատանքը.
«Որպես կրթության և գիտության նախարար, ինձ համար կարևոր է տարիներ շարունակ «Խաղաղության կորպուս»-ի աջակցությունը մեր աշակերտների անգլերեն լեզվի ուսուցման ու ուսուցիչների վերապատրաստման գործին, սակայն կարծում եմ շատ ավելի կարևոր է այն առաքելությունը, որ «Խաղաղության կորպուսի» գաղափարախոսության հիմքում է՝ կամավորների միջոցով հանդուրժողականության մշակույթի տարածում», - նշել է Լևոն Մկրտչյանը:
Միաժամանակ ԿԳ նախարարը տեղեկացրել է, որ Հայաստանի կրթական համակարգի առաջնահերթություններից մեկը օտար լեզուների դասավանդման որակի ամրապնդումն ու զարգացումն է: Այդ համատեքստում առավել օգտակար է այնպիսի հեղինակավոր կառույցների ներգրավվածությունը, ինչպիսին «Խաղաղության կորպուսն» Է:
Խաղաղության կուրպուսի» հայաստանյան գրասենյակի տնօրեն Սանի Լուին իր հերթին շնորհակալություն է հայտնել ՀՀ ԿԳ նախարարին՝ Հայաստանի ուսումնական հաստատություններում իրենց կամավորների գործունեության հնարավորության ապահովման համար: