Ներդրումների շնորհիվ Կապանի օդանավակայանը կհամապատասխանի միջազգային չափանիշներին
Մայիսի 27-ին «Իմ քայլը հանուն Սյունիքի մարզի» գործարար համաժողովի ընթացքում Սյունիքի մարզպետի խորհրդական Գոռ Թադևոսյանը հայտարարել է, որ ներդրումային ծրագրի շնորհիվ Կապանի օդանավակայանը կհամապատասխանի միջազգային չափանիշներին։
Նա հայտնել է, որ ծրագրով նախատեսվում է իրականացնել 2.3 մլրդ դրամի ներդրում. 800 մլն-ն արդեն ներդրվել է։
«Կապանի օդանավակայանը խորհրդային տարիներին օրական ունեցել է 10-12, իսկ հատուկ օրերին մինչև 16 չվերթ։ 2017-ին «Սյունիքի զարգացման և ներդրման հիմնադրամը» հիմնել է «Սյունիքի օդանավակայան» ՍՊԸ-ն։ 2017-ի սեպտեմբեր ամսին Կապանի համայնքապետարանի և ընկերության միջև կնքվել է կոնցեսիոն պայմանագիր, որը նախատեսում էր վերագործարկել օդանավակայանը։ Արդյունքում ունենալու ենք միջազգային ստանդարտներին համապատասխան օդանավակայան, ներդրվելու են թռիչքատեխնիկական նոր համակարգեր»,- ասել է Թադևոսյանը։