«Լեսթերը» չի ցանկանում կորցնել իր ֆուտբոլիստին․ Ռիյադ Մարեզը գործադուլ է հայտարարել
«Լեսթերի» եզրային հարձակվող Ռիյադ Մարեզն ակումբին գործադուլ է հայտարարել:
Espn.com-ը գրում է, որ ֆուտբոլիստը այդ քայլին է դիմել, երբ «աղվեսները» հրաժարվել են նրա տրանսֆերը 74 միլիոն եվրոյով վաճառել «Մանչեսթեր Սիթիին»: Այդ մերժումից հետո դադարեցվել են բանակցությունները:
Մի քանի օր առաջ 26-ամյա ֆուտբոլիստը պաշտոնական տրանսֆերային դիմում է ներկայացրել «Լեսթերին»: Անգլիայի նախկին չեմպիոնները նրա համար 100 միլիոնից ավելին են պահանջել:
Մարեզը չի մասնակցել «Էվերթոնի» դեմ երեկ կայացած խաղը (1:2), ինչպես նաև դրան նախորդած մարզումը:
Պրեմիեր լիգայի ընթացիկ առաջնության 24 խաղում վինգերն 8 գոլ է խփել ու 7 գոլային փոխանցում կատարել:
Աղբյուրը` այստեղ
Հետևի՛ր մեզ քեզ հարմար սոցիալական ցանցում