Կարեն Ավագյանը ծանրամարտի աշխարհի երիտասարդական առաջնությունում նվաճել է փոքր բրոնզե մեդալ
Ֆիջիում ընթացող ծանրամարտի աշխարհի երիտասարդական առաջնությունում պայքարի մեջ են մտել Հայաստանի ներկայացուցիչներ Ռաֆիկ Հարությունյանը (81 կգ) և Կարեն Ավագյանը (89 կգ):
Ռաֆիկ Հարությունյանը երկամարտի 334 կգ (147+187) արդյունքով գրավել է 6-րդ տեղը:
Կարեն Ավագյանը երկամարտում գրանցել է 341 կգ (155+186) արդյունք և հայտնվել չորրորդ տեղում: Պոկում վարժությունում Ավագյանը նվաճել է փոքր բրոնզե մեդալ:
Հիշեցնենք, որ աշխարհի երիտասարդական առաջնությունում Հայաստանի առաջին ներկայացուցիչ Արմեն Գրիգորյանը (73 կգ) գրավել էր 6-րդ տեղը:
Ծանրամարտի Հայաստանի երիտասարդական հավաքականի կազմում աշխարհի առաջնությանը կմասնակցեն նաև Վարազդատ Լալայանը (+109 կգ) և Արփինե Դալալյանը (+87 կգ)։
Հետևի՛ր մեզ քեզ հարմար սոցիալական ցանցում