Հայաստանը հարձակողական նոր զինատեսակների ձեռքբերման պայմանագրեր է կնքել

Ռուսաստանում ընթացող «Արմիա 2019-ի» շրջանակներում Հայաստանը զենքի և զինամթերքի ձեռքբերման պայմանագրեր է կնքել: Այդ մասին իր ֆեյսբուքյան էջում հայտնել է ՀՀ պաշտպանության նախարարության խոսնակ Արծրուն Հովհաննիսյանը:

Ինչպես հայտարարել է ՀՀ պաշտպանության նախարար Դավիթ Տոնոյանը՝ «Արմիա 2019-ի» շրջանակներում կնքվել են պայմանագրեր՝ հարձակողական նոր զինատեսակների, նոր սերնդի զինամթերքի ձեռքբերման, ինչպես նաև այլ միջոցների մատակարարումների վերաբերյալ: