Գործադիրն ընդունել է նվազագույն աշխատավարձը 55,000 դրամից 68,000 բարձրացնելու նախագիծը
ՀՀ կառավարության հունիսի 27-ի նիստում ընդունվել է նվազագույն աշխատավարձի շեմը 55,000 դրամից 68,000 դրամի բարձրացնելու մասին նախագիծը:
ՀՀ աշխատանքի և սոցիալական ապահովության հարցերի փոխնախարար Գեմաֆին Գասպարյանն ասել է, որ «Նվազագույն աշխատավարձի մասին» ՀՀ օրենքում փոփոխությունների նախագիծը վերաբերվելու է մասնավոր ոլորտում աշխատող 45,000 մարդու, պետական ոլորտում՝ 35,000 մարդու:
ՀՀ ֆինանսների նախարար Ատոմ Ջանջուղազյանը նշել է, որ որոշումը չի վերաբերվում բազային աշխատավարձին, որով հաշվարկվում է պետական պաշտոնյաների աշխատավարձը:
Նախագիծը պետք է քննարկվի և ընդունվի Ազգային ժողովի կողմից:
Հետևի՛ր մեզ քեզ հարմար սոցիալական ցանցում