Բաթումի-Երևան գնացքի հարվածից ուկրաինացի զբոսաշրջիկ է մահացել

Բաթումի-Երևան ուղևորատար գնացքը Վրաստանի տարածքում՝ Չաքվի բնակավայրում, որը Բաթումից հեռու է 17 կմ, հարվածել է ուկրաինացի զբոսաշրջիկին։

Վրացական լրատվամիջոցների փոխանցմամբ, 41-ամյա տղամարդուն շտապ օգնության մեքենայով հասցրել են Քոբուլեթիի հիվանդանոց, սակայն պարզվել է, որ նա հենց տեղում մահացել է։

Վրաստանի ներքին գործերի նախարարությունում հարուցվել է քրեական գործ՝ երթևեկության կամ տրանսպորտային միջոցի շահագործման կանոնները խախտելու համար։

Եթե վարորդի մեղքը ապացուցվի, ապա նրան սպառնում է 5-7 տարի ազատազրկում։