Մալայանի անվան ակնաբուժական կենտրոնում հիվանդների կուրանալու գործով վեց տուժած կա
Այս տարվա մայիսի սկզբին Մալայանի անվան ակնաբուժական կենտրոնում քաղաքացիների կուրանալու փաստով հարուցված քրեական գործի շրջանակում նշանակված դատաբժշկական փորձաքննությունների եզրակացությունը դեռ չկան։ Այս մասին գրում է Պանորամա-ն։
Քննչական կոմիտեից հայտնել են․
«ԵՔՔՎ Աջափնյակի քննչական բաժնում քննվում է քրեական գործ՝ հարուցված քրեական օրենսգրքի 279 հոդվածի 1-ին մասի հատկանիշներով։ Այս պահին ունենք վեց տուժող»։
Հիշեցնենք, որ ութ հիվանդ կորցրել էր տեսողոթյունը Avastin դեղամիջոցի ներարկումից հետո։
Քրեական օրենսգրքի 279 հոդվածի 1-ին մասը սահմանում է.
«Սպառողների կյանքի կամ առողջության անվտանգության պահանջներին չհամապատասխանող ապրանքներ թողարկելը կամ իրացնելը, աշխատանքներ կատարելը կամ ծառայություններ մատուցելը կամ նշված ապրանքների, աշխատանքների կամ ծառայությունների` անվտանգության պահանջներին համապատասխանությունը հավաստող պաշտոնական փաստաթղթերն ապօրինի հանձնելը կամ օգտագործելը, եթե այդ արարքներն անզգուշությամբ վնաս են պատճառել մարդու առողջությանը պատժվում է տուգանքով` նվազագույն աշխատավարձի երկուհարյուրապատիկից չորսհարյուրապատիկի չափով, կամ ազատազրկմամբ` առավելագույնը երկու տարի ժամկետով` որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով` առավելագույնը երեք տարի ժամկետով կամ առանց դրա»։