Ադրբեջանում սկսվել են Վրաստանի և Թուրքիայի հետ համատեղ զորավարժությունները
Սեպտեմբերի 2-ին Բաքվում մեկնարկել են Ադրբեջանի, Վրաստանի և Թուրքիայի համատեղ Eternity-2019 հրամանատարաշտաբային զորավարժությունները համակարգչային աջակցությամբ:
Զորավարժությունների ընթացքում, որոնք կունենան տեսական և գործնական մաս, երեք երկրների ռազմական ստորաբաժանումների և համապատասխան պետական կառույցների ներկայացուցիչները կկատարեն տարածշրջանային տնտեսական նախագծերի պաշտպանությանն ուղղված առաջադրանքներ: Այդ մասին ասվում է Ադրբեջանի պաշտպանության նախարարության հաղորդագրության մեջ, հայտնում է Haqqin.az-ը:
Զորավարժությունները անցկացվում են ինչպես Ադրբեջանի ԶՈւ Ռազմախաղերի կենտրոնում, այնպես էլ դաշտային պայմաններում:
Զորավարժությունները կավարտվեն սեպտեմբերի 6-ին:
Հետևի՛ր մեզ քեզ հարմար սոցիալական ցանցում