Արսեն Թորոսյան․ «Բուժաշխատողների օրինական եկամուտները աճել են և շարունակելու են աճել»
Առողջապահության նախարար Արսեն Թորոսյանն իր ֆեյսբուքյան էջում հրապարակել է լուսանկարներ և կատարել գրառում ոլորտային քաղաքականության արդյունավետության մասին․
«Այս թվերը ներկայացնում եմ, որպեսզի պարզ դառնա, թե ինչքան արդյունավետ է մեր ոլորտային քաղաքականությունը ոլորտի և բուժաշխատողների ֆինանսական կայունության տեսակետից։
Ունեք հետևյալը՝
Իրացման շրջանառության աճ թե՛ ամբողջ երկրում, թե՛ վերջերս շատ շահարկված Ուռուցքաբանության ազգային կենտրոնում (ՈՒԱԿ)։
Աշխատավարձային ֆոնդի աճ ամբողջ երկրում և ՈՒԱԿ-ում։
Ոլորտում զբաղված աշխատակիցների թվի աճ։
Միջին աշխատավարձի աճ ամբողջ երկրում և ՈՒԱԿ-ում։
Մնացած բարձրագոչ ճիչերը ընդամենը ոչ մի հիմք չունեցող մանիպուլյացիաներ են։ Բուժաշխատողների ՕՐԻՆԱԿԱՆ եկամուտները աճել են և շարունակելու են աճել»։
Հետևի՛ր մեզ քեզ հարմար սոցիալական ցանցում