«Ֆրանսիայի Նիս քաղաքի նվիրած մեքենաներն արդեն Էջմիածնում են»․ Էջմիածնի քաղաքապետարան
Էջմիածնի քաղաքապետարանը հայտարարություն է տարածել ձեռք բերված տրանսպորտային նոր միջոցների մասին։
«Սիրելի´ համաքաղաքացիներ,
Ուրախ ենք տեղեկացնել, որ Ֆրանսիայի Նիս քաղաքի նվիրած մեքենաներն արդեն Էջմիածնում են: Մեքենաների մաքսազերծման ժամանակատար գործընթացն արդեն ավարտվել է: Նվիրված տրանսպորտային միջոցների մաքսազերծումը ենթադրում էր բարդ և ժամանակատար գործընթաց, ինչով և պայմանավորված էր շահագործման ձգձգումը:
Այժմ ընթանում է տեխնիկական շահագործումն իրականացնելու լիցենզավորման գործընթացը, որի ավարտից հետո միայն հնարավոր կլինի շահագործումը:
Այս ընթացքում մանրամասն քննարկվել և հստակեցվել է երթուղիների ու փոխադրումների կազմակերպման գործընթացը:
Շատ շուտով այս մեքենաները կծառայեն էջմիածնեցուն՝ կանոնավոր, սահմանված երթուղով»:
Հետևի՛ր մեզ քեզ հարմար սոցիալական ցանցում