ԱՄՆ-ն Հայաստանին 3,24 մլն դոլարի օգնություն կհատկացնի 2019թ․-ին
Փետրվարի 12-ին ԱՄՆ նախագահ Դոնալդ Թրամփը հրապարակել է երկրի 2019 ֆինանսական տարվա բյուջեի վերաբերյալ պլանները:
Փաստաթղթով առաջարկվում է՝
- Հայաստանին 2019 ֆինանսական տարում 3,24 մլն դոլարի տնտեսական օգնություն ցուցաբերել: 2018 թ․-ին այս օգնությունը կազմում է 4 մլն դոլար․
- Միջազգային ռազմական կրթական ծրագրի շրջանակում կհատկացնի 600 հազար դոլարի օգնություն․
- Թմրանյութերի միջազգային վերահսկողության ապահովման համար Հայաստանը կստանա 1,5 մլն դոլար․
- Ռազմական օգնության նպատակով ո՛չ Հայաստանը, ո՛չ էլ Ադրբեջանը ոչ մի միջոց չեն ստանա:
Նշենք, որ անցյալ ֆինանսական տարում վարչակազմը Ադրբեջանի տնտեսական օգնությունը դադարեցրել էր, սակայն որոշել է 2019 թ․-ին 3 մլն դոլար հատկացնել: Ադրբեջանին նաև 600 հազար դոլարի օգնություն կհատկացվի ռազմական կրթական ծրագրի շրջանակում:
Հետևի՛ր մեզ քեզ հարմար սոցիալական ցանցում