Արսեն Թորոսյան․ Համաձայն կառավարության նիստում ընդունված որոշման՝ կկատարվեն վերաբաշխումներ առողջապահության բյուջետային տողերում
ՀՀ Առողջապահության նախարար Արսեն Թորոսյանն իր ֆեյսբուքյան էջում գրառում է կատարել առողջապահության ոլորտում վերջերս տեղի ունեցած փոփոխության մասին․
«Այսօր կառավարության նիստում ընդունվեց որոշում, որի արդյունքում կկատարվեն վերաբաշխումներ առողջապահության բյուջետային տողերում:
Վերաբաշխման արդյունքում հետևյալ ծառայությունները կստանան հավելյալ ֆինանսավորում:
- Զինծառայողներին, ինչպես նաև փրկարար ծառայողներին և նրանց ընտանիքի անդամներին բժշկական օգնության ծառայություններ` 470 մլն դրամ
- Ուռուցքաբանական և արյունաբանական բժշկական օգնության ծառայություններ` 250 մլն դրամ:
- Անհետաձգելի բժշկական օգնության ծառայություններ` 208 մլն դրամ:
- Շտապ բժշկական օգնության ծառայություններ` 145 մլն դրամ:
- Հեմոդիալիզի ծառայություններ` 80 մլն դրամ:
- Աղիքային և այլ ինֆեկցիոն հիվանդությունների բժշկական օգնության ծառայություններ` 80 մլն դրամ»:
Հետևի՛ր մեզ քեզ հարմար սոցիալական ցանցում