«Սբ Գրիգոր Լուսավորիչ» ԲԿ-ի պոլիկլինիկան փորձարկում է մինչև 24:00-ն սպասարկումը
ՀՀ առողջապահության նախարարի հրամանով 2019թ-ի հոկտեմբերի 15-ից` եռամսյա ժամկետով, փորձարարական կարգով «Սուրբ Գրիգոր Լուսավորիչ բժշկական կենտրոն»-ի պոլիկլինիկական ծառայության աշխատանքային ժամերից դուրս` ժամը 18:00-24:00-ը սահմանվել են հերթապահություններ: Այդ մասին ասվում է ԲԿ-ի ֆեյսբուքյան էջում:
Պոլիկլինիկան սպասարկում է Նոր-Նորքի ամբողջ տարածքը:
Հերթապահություն են իրականացնում առողջության առաջնային պահպանման ծառայություններ մատուցող բժիշկների (թերապևտ, ընտանեկան բժիշկ) և բուժքույրերի կողմից շտապ բժշկական օգնության ծառայությունից ուղղորդված կանչերն իրականացնելու համար:
5 աշխատանքային օրվա ընթացքում պոլիկլինիկայի բժիշկնները 9 կանչ են սպասարկել:
Հետևի՛ր մեզ քեզ հարմար սոցիալական ցանցում