Այս մասին ասել է Հանրային խորհրդի նախագահ Վազգեն Մանուկյանն իր պաշտոնական կայքում հայտնել է․

«Հանրային խորհրդի նախագահին առաջադրում է վարչապետը, ինչը հաստատվում է կառավարության կողմից, բնական է, որ եթե վարչապետն ինձ հրավիրի և ասի, որ ինչ-ինչ պատճառներով միասին աշխատել չենք կարող, ես մի րոպե չեմ տատանվի և դուրս կգամ Հանրային խորհրդից: Նաև ասացի, որ միգուցե վարչապետի հետ ինքս նախաձեռնեմ հանդիպում և քննարկեմ այդ հարցը, բայց գտնում եմ՝ ավելի բնական կլինի, եթե վարչապետը դա նախաձեռնի»,- նշել է Մանուկյանը:

Անդրադառնալով իր պաշտոնավարումը դադարեցնելուն՝ Մանուկյանը նշել է, որ տեխնիկապես դա կարող է արվել եկող տարվա ապրիլի 4-ից հետո:

«Երբ ես տեսնեմ, որ այս քաղաքականացված մթնոլորտում խորհրդատվությունները չեն «աշխատում», և մնում է միայն քաղաքական պայքարը, ապա ես Հանրային խորհրդից դուրս կգամ և քաղաքական պայքարի միջոցով իմ ասելիքը տեղ կհասցնեմ»,- ասել է Մանուկյանը՝ հավելելով, որ Հանրային խորհրդի առաջիկա նիստում քննարկվելու են հետագա անելիքները: