Կենդանաբանական այգում անկած 3 կենգուրուի և 3 մուֆլոնի լաբորատոր ախտաանատոմիական փորձաքննություն է անցկացվել
ՀՀ ԿԵ սննդամթերքի անվտանգության տեսչական մարմնի ենթակայությամբ գործող «Հանրապետական անասնաբուժասանիտարական և բուսասանիտարական լաբորատոր ծառայությունների կենտրոն»-ի աշխատակիցներն անցկացրել են Կենդանաբանական այգում անկած կենդանիների (3 կենգուրու և 3 մուֆլոն) լաբորատոր ախտաանատոմիական փորձաքննություն:
Տեսչական մարմնի փոխանցմամբ, պարզվել է, որ բոլոր 6 կենդանիներն էլ անկել են արտաքին ներգործությամբ առաջացած, կյանքի հետ անհամատեղելի վնասվածքների պատճառով (պարանոցի վրա սուր-ծակող առարկայի հետքեր, պարանոցային ողերի կոտրվածք, սրտամկանի վրա ինֆարկտային օջախներ, պատռված որովայնապատ և այլն):
Նմուշներ են վերցվել նաև մանրէաբանական հետազոտության համար: Շեղումներ չեն հայտնաբերվել:
Հետևի՛ր մեզ քեզ հարմար սոցիալական ցանցում