Ամուլսարի գործով վճիռը հրապարակվելու է այսօր
ՀՀ վարչական դատարանը նոյեմբերի 14-ին, ժամը 17։30-ին կհրապարակի Ամուլսարի գործով վճիռը: Ջերմուկ համայնքի 19 քաղաքացի, փաստաբան Նազելի Վարդանյանի միջոցով, այս տարվա հոկտեմբերի 10-ին հայցադիմում է ներկայացրել ՀՀ վարչական դատարան՝ ընդդեմ Շրջակա միջավայրի նախարար Էրիկ Գրիգորյանին:
Հայցադիմումում նրանք խնդրել են պարտավորեցնել նախարարին՝ ուժը կորցրած ճանաչել Ամուլսարի հանքավայրի հանքարդյունահանման համալիրի փոփոխված նախագծի շրջակա միջավայրի վրա ազդեցության պետական փորձաքննական ԲՓ 35 եզրակացությունը և ՀՀ բնապահպանության նախարարի 29.04.2016թ. դրա հաստատումը:
Հետևի՛ր մեզ քեզ հարմար սոցիալական ցանցում