Նիկոլ Փաշինյան. «Առնվազն մինչև գարուն գազի գինը չի բարձրանա»
ՀՀ վարչապետ Նիկոլ Փաշինյանը նոյեմբերի 19-ին՝ պատասխանելով ռուս լրագրողների հարցերին, անդրադարձել է նաև գազի գնի շուրջ ռուսական կողմի հետ բանակցություններին: Վարչապետը հայտարարել է, որ առնվազն մինչև գարուն գազի գինը չի բարձրանա:
Փաշինյանը ռուս լրագրողներին ասել է, որ գազի գնի վերաբերյալ ՌԴ նախագահ Վլադիմիր Պուտինի հետ ընդհանուր զրույց է ունեցել, մանրամասների մասին չեն խոսել:
«Հայաստանի համար գազի գինը պետք է լինի այնպիսին, որպեսզի չկոտրի տնտեսական դինամիկան», - ասել է նա։
Փաշինյանը նաև հույս է հայտնել, որ կառուցողական երկխոսություն կծավալվի ռուսական կողմի հետ:
Ռուս լրագրողների հետ հանդիպումը վարչապետը հրապարակել է իր ֆեյսբուքյան էջում:
Հետևի՛ր մեզ քեզ հարմար սոցիալական ցանցում