Հայաստանի Ամերիկյան համալսարանի «Զվարթ Ավետիսյան-Օնանյան» առողջապահական ծառայությունների հետազոտման և զարգացման կենտրոնի «Կարո Մեղրիկյան» աչքի հիվանդությունների կանխարգելման կենտրոնը «Գոյամարտ» համազգային բարեգործական միավորման և ՀՀ պաշտպանության նախարարության աջակցությամբ իրականացնում է վիրավոր և զոհված ազատամարտիկների ու զինծառայողների, նրանց ընտանիքների անդամների անվճար ակնաբուժական հետազոտություն Երևանում և ՀՀ մարզերում: Այս մասին տեղեկացնում են ՊՆ Տեղեկատվության և հասարակայնության հետ կապերի վարչությունից։

Հետազոտության արդյունքում, ըստ անհրաժեշտության, «Կարո Մեղրիկյան» կենտրոնը կտրամադրի օպտիկական ակնոց և դեղորայք:

Ակնաբուժական հետազոտությունները կանցկացվեն դեկտեմբերի 3-ին, 5-ին, 7-ին, 12-ին և 14-ին, Կոտայքի մարզում` Հրազդանի բժշկական կենտրոնում:

«Հանրապետության մյուս մարզերում և Երևանում իրականացվող հետազոտությունների ժամանակացույցի վերաբերյալ կտրվի լրացուցիչ տեղեկություն: Հերթագրման համար զանգահարել 055 05 01 97 հեռախոսահամարով», - հայտնում են պաշտպանության նախարարությունից։