Զորակն գիտակրթական երիտասարդական հիմնադրամը նախաձեռնել է «Հայաստանի անվտանգության ապագան» խորագրով երեկոյան դասընթաց
Զորակն գիտակրթական երիտասարդական հիմնադրամը նախաձեռնել է «Հայաստանի անվտանգության ապագան» խորագրով երեկոյան դասընթաց Հայաստանի և տարածաշրջանի անվտանգության ներկայի և ապագայի մասին, վերլուծական հմտությունների զարգացման և դրանց գործնական կիրառության վրա հատուկ շեշտադրումով։
Դասընթացը նախատեսված է ժուռնալիստիկայի, քաղաքագիտության, կովկասա- և արևելագիտության, հասարակագիտական այլ մասնագիտությունների բակալավրիատի և մագիստրատուրայի ուսանողների համար։
Լրացված դիմումի փաթեթն ուղարկելու վերջնաժամկետը՝ 28 դեկտեմբերի, 2019թ., ժ. 18:00։
Նշենք, որ դպրոցում ուսուցումն անվճար է․
Դասընթացը կտևի 20 հունվարի - 29 մայիսի, 2020թ, շաբաթական 3–4 հանդիպում՝ ժամը 18։30-21։30։ Դասընթացներն անցկացվելու են սեղմ ժամանակացույցով, լուրջ ծանրաբեռնվածությամբ։
Դասընթացի ընթացքում կուսումնասիրվեն
- Աշխատանք ինֆորմացիայի հետ. մեդիագրագիտություն, աղբյուրների ու տեղեկությունների ստուգման և վերլուծության մեթոդներ, ծանոթություն գործիքներին, ինտենսիվ գործնական աշխատանք։
- Վերլուծական հմտությունների զարգացում
- Արցախյան հակամարտություն
- Տարածաշրջանի կոնֆլիկտների ուսումնասիություն. ռազմավարական աշխարհագրություն, հակամարտություններ, զինված ուժեր։
- Տեղեկատվական անվտանգության հարցեր
- Հայաստանի ազգային անվտանգության հարցեր
- [ՆՈՐ] Կանխագիտություն (FORESIGHT). ապագայի հավանական սցենարների մշակում, զարգացման միտումների, սպառնալիքների և հնարավորությունների վերլուծություն, գործնական աշխատանքներ։
Պարապմունքների ձևաչափը.
դասախոսություններ, կինոդիտումներ, գործնական պարապմունքներ, հանդիպումներ։ Մասնակիցները կանցկացնեն հետազոտություններ, կգրեն հոդվածներ, որոնցից ամենահետաքրքիրները կհրապարակվեն Ռազմ․ինֆո և մի շարք այլ լրատվական կայքերում։
Ուսանողներն ընտրվելու են մրցույթով՝ դիմումում ներկայացված տվյալների, հարցազրույցի և հանձնարարված թեմայով էսսեի արդյունքների հիման վրա։ Հարցազրույցի կհրավիրվեն միայն ընտրության առաջին (դիմումի) փուլն անցած ուսանողները։ Մրցույթով անցած յուրաքանչյուր ուսանողի ներկայությունը և մասնակցությունը բոլոր դասերին, առաջադրանքների կատարումը պարտադիր են։
Դպրոցը հաջողությամբ ավարտած ուսանողները կստանան համապատասխան վկայականներ։
Ներկայացնենք դիմելու կարգը․
- Ներբեռնել, հայերեն ու հայատառ լրացնել դիմումի ձևը, այնուհետև ուղարկել այն ինքնակենսագրության (CV) հետ միասին [email protected] էլ․փոստի հասցեով։
- Էլ․փոստի նույն հասցեով կամ (010) 529 300 հեռախոսահամարով կարող եք ստանալ դասընթացի մասին ձեզ հետաքրքրող լրացուցիչ հարցերի պատասխանները։
- Դիմումների ընդունման վերջնաժամկետն է 2019 թ. 28 դեկտեմբերի, ժ. 18:00։ Դիմումի փուլն անցնելու դեպքում կազմակերպիչները կզանգահարեն Ձեզ և կհրավիրեն հարցազրույցի։