ՀՀ-ն հրաժարվել է փոխանակել Արցախում սպանության համար կալանավորված ադրբեջանցիներին «բոլորին բոլորի հետ» սկզբունքով
Հայաստանը հրաժարվել է փոխանակել Արցախում սպանության համար պատիժը կրող ադրբեջանցիներին «բոլորին բոլորի հետ» սկզբունքով։ Այդ մասին Ադրբեջանի ԱԳ նախարար Էլմար Մամեդյարովը հայտարարել է Բրատիսլավայում՝ ԵԱՀԿ ԱԳՆԽ Խորհրդի նիստում:
«Ցավոք, Միլանի հանդիպումից հետո անցած մեկ տարվա վերաբերյալ չեմ կարող ասել, որ ղարաբաղյան հակամարտության կարգավորման հարցում առաջընթաց կա։ Հակամարտության գոտում հարաբերական անդորր է, բայց միևնույնն է առաջընթաց բանակցություններում չկա։ Հայաստանը նույնիսկ հրաժարվել է Ղարաբաղում պահվող Ադրբեջանի քաղաքացիների փոխանակումից «բոլորին բոլորի հետ» սկզբունքով», - հայտարարել է Ադրբեջանի արտաքին գործերի նախարարը, հայտնում է Haqqin.az-ը:
Մամեդյարովը հավելել է նաև, որ ՀՀ-ն փորձում է փոխել բանակցությունների ձևաչափը․
«Երևանը փորձում է ԼՂ հայ համայնքին ներկայացնել որպես ԼՂ բնակչություն՝ ժխտելով ադրբեջանական համայնքի առկայությունը»: