Իրանի Սեմնան նահանգում 4․3 մագնիտուդով երկրաշարժ է եղել
Այսօր Իրանի հյուսիսում գտնվող Սեմնան նահանգում տեղի է ունեցել 4,3 մագնիտուդով երկրաշարժ, հայտնում է Թեհրանի համալսարանի Երկրաֆիզիկայի ինստիտուտի Իրանական սեյսմոլոգիական կենտրոնից:
Ստորգետնյա ցնցումներ գրանցվել են տեղական ժամանակով 02։02-ին Սեմնան քաղաքի մոտակայքում: Երկրաշարժի օջախը գտնվում էր 10 կմ խորությամբ:
Ինչպես հայտարարել է տեղական վարչակազմի ղեկավար Մոհամմադ Ռեզա Հաշեմին, երկրաշարժի հետևանքով ոչ ոք չի տուժել, վիրավորներ և ավերածություններ չեն եղել:
Իրանը սեյսմիկ ակտիվության գոտում է, և այնտեղ երկրաշարժեր հաճախ են տեղի ունենում: Վեջին շրջանում ամենաավերիչ երկրաշարժերից մեկը նոյեմբերի կեսին երկրի արևմտյան հատվածում տեղի ունեցած աղետն էր, երբ 7,2 մագնիտուդ հզորությամբ երկրաշարժի հետևանքով զոհվել էր ավելի քան 600 մարդ:
Հետևի՛ր մեզ քեզ հարմար սոցիալական ցանցում