Շոու բիզնեսի որոշ ներկայացուցիչների նկատմամբ հարկային պարտավորությունները չկատարելու համար հարուցվել են քրեական գործեր, որոնք ներկայումս նախաքննության ընթացքում են։ Այդ մասին լրագրողների հետ հանդիպման ժամանակ ասել է Պետական եկամուտների կոմիտեի նախագահի տեղակալ Էդվարդ Հովհաննիսյանը:

Սակայն, նա չի մանրամասնել, թե ովքեր են նրանք և քանի գործ է հարուցվել, հայտնում է Panorama.am-ը:

ՊԵԿ փոխնախագահը հավելել է, որ շոու բիզնեսի ներկայացուցիչներից շատերը հարկային մարմին են ներկայացրել հայտարարագրեր և վճարել իրենց կողմից ստացած եկամուտներից բխող հարկային պարտավորությունները:

Ընդհանուր առմամբ, ըստ նրա, հայտարարագիր է ներկայացրել շոու բիզնեսի 10 ներկայացուցիչ։