Արցախի հետ ռոումինգի սակագները 2020թ-ի հուլիսից կնվազեն
Հայաստանի և Արցախի միջև շարժական կապի օպերատորների կողմից մատուցվող ռոումինգի ծառայությունների սակագները 2020թ-ի հուլիսի 1-ից էականորեն կնվազեն:
Այս մասին տարեվերջի ամփոփիչ ասուլիսում հայտնել է ՀՀ բարձր տեխնոլոգիական արդյունաբերության նախարար Հակոբ Արշակյանը, հաղոդրում է Sputnik Armenia-ն:
Նա նշել է, որ նախարարության ստեղծումից անմիջապես հետ զբաղվել են ռոումինգի հարցով՝ հիշեցնելով, որ օպերատորներից մեկի ցանցում ելքային զանգերի 15%-ի նվազում է եղել, մուտքային զանգերի դեպքում՝ 44%-ի նվազում:
Նախարարի խոսքով, այժմ գործում է ելքային զանգերի 38 դրամ և մուտքային զանգերի 25 դրամ միասնական սակագինը:
«Հուլիսին այդ թվերը շատ կիջնեն: Հստակ թվերը դեռ չեմ ուզում ասել, քանի որ բանակցում ենք, բայց շատ կիջնեն»,- ասել է Արշակյանը:
Հետևի՛ր մեզ քեզ հարմար սոցիալական ցանցում