2015թ-ին Գուգարքում հրդեհից տուժած 7 ընտանիքի բնակարանների գնման վկայագրեր կտրամադրվեն
Գործադիրն ընդունել է որոշում, որով նախատեսվում է լուծել 2015 թ. դեկտեմբերի 22-ին ՀՀ Լոռու մարզի Գուգարք համայնքում տեղի ունեցած Էներգետիկների 3-րդ փողոցի 5 բազմաբնակարան տնակի հրդեհից տուժած քաղաքացիներին բնակարանային խնդիրը:
Հրդեհի հետևանքով ամբողջովին այրվել են տնակի 7 ընտանիքի բնակարաները:
Հիմնավորման համաձայն՝ բնակիչները գտնվում են սոցիալապես անապահով վիճակում և մեծամասամբ բնակվել են վարձով՝ մարզպետարանի և համայնքապետարանի տրամադրած միջոցներով: Որոշմամբ նախատեսվում է բնակարանների գնման վկայագրեր տրամադրել այդ ընտանիքներին:
Հետևի՛ր մեզ քեզ հարմար սոցիալական ցանցում