ԵՏՄ-ն ծխախոտի շուկայում ակցիզային հարկեր կսահմանի 2024 թվականից
Եվրասիական տնտեսական միության երկրների փոխնախագահները ստորագրել են համաձայնագիր՝ ծխախոտային արտադրանքների հարկային ակցիզային քաղաքականության ոլորտում:
Այս մասին հաղորդում է ՏԱՍՍ-ը՝ ԵՏՄ մամուլի ծառայության վրա հղումով:
Ենթադրվում է, որ 2024թ-ից ծխախոտի համար ազգային դրույքաչափերը հաշվարկելիս ԵՏՄ անդամ երկրները կընթանան €35՝ 1000 ծխախոտի դրույքով` ոչ ավելի քան 20% շեղումով:
«Համաձայնագիրը հնարավորություն է տալու համաչափեցնել ծխածոտի ակցիզային հարկերի դրույքաչափը՝ պայմաններ ապահովելով ԵՏՄ շուկայի գործունեության համար»,- ասվում է հաղորդագրությունում:
Նշվում է, որ ծխախոտի ակցիզային դրույքաչափերի աստիճանական և փուլային կարգավորումը կօգնի զսպել ծխախոտի ապօրինի շուկայի զարգացումը:
Հետևի՛ր մեզ քեզ հարմար սոցիալական ցանցում