Երևանի Պռոշյան փողոցում վթարից հետո տաքսու տարեց վարորդին ծեծած Mercedes ամենագնացի վարորդը հայտնաբերվել և բերման է ենթարկվել:

Այս մասին ասել են ոստիկանության հասարակայնության հետ կապերի բաժնից՝ հավելելով, որ վարորդն այս պահին ոստիկանությունում է և պարզվում են դեպքի մանրամասները: Գրում է ՊանԱրմենիան-ը։

Հիշեցնենք, որ համացանցում տեսանյութ էր տարածվում, որտեղ երևում է, թե ինչպե՞ս է Պռոշյան փողոցում մի վարորդ հարձակվում տարեց մեկ այլ վարորդի վրա: Ըստ ականատեսների՝ տաքսու վարորդը մոտ 75 տարեկան էր։