Մեծ գրող Խաչատուր Աբովյանի տուն-թանգարանում՝ առաջիկա տոներին և գարնանամուտին ընդառաջ նախատեսվում են միջացառումներ։ Այդ մասին գրառում է կատարվել թանգարանի ֆեյսբուքյան էջում․

«Հարգելի՛ բարեկամներ,

Փետրվարի 15-ին, ժամը՝ 14։00-ին Աբովենց այգում բոլորս միասին դիմավորում ենք Գարնանամուտը: «Տոնացույց» ֆոլկ խմբի մասնակցությամբ նշելու ենք Սուրբ Սարգիսը, Բարեկենդանը, Տեառն Ընդառաջը:

Գարնանամուտը կազդարարվի Սուրբ Սարգսի տոնով, որին կհաջորդի Բարեկենդանը և կեզրափակվի Տեառն Ընդառաջով:

Տոնակատարության ողջ ընթացքում կլինեն երգ, պար, օրհնություններ, ավանդական աղոթքներ, ժողովրդական խաղեր՝ էշախաղեր, իծախաղեր, թխելու ենք աղի բլիթը, թռչելու ենք Տեառն Ընդառաջի խարույկի վրայով և էլի լիքը ուրախ բաներ…

Դե ինչ, հանդիպում ենք Խաչատուր Աբովյանի տուն-թանգարանում, որտեղ սպասվում է տոնական ուրախ մթնոլորտ և բարձր տրամադրություն:

Մուտքն ազատ է»:

Նշենք, որ Խաչատուր Աբովյանի տուն-թանգարանը գտնվում է Երևանում, Քանաքեռ, 2-րդ փողոց, 4 տուն հասցեում։ Հարցերի դեպքում կարող եք զանգահարել հետևյալ հեռախոսահամարներով՝ 010 281 687, 010 284 686