Ըմբիշ Կարապետ Չալյանը հաղթանակով է մեկնարկել Եվրոպայի առաջնությունում
Հունահռոմեական ոճի ըմբշամարտի հավաքականի անդամ Կարապետ Չալյանը հաղթանակով է մեկնարկել Եվրոպայի առաջնությունում:
«Արմենպրես»-ի հաղորդմամբ` Հռոմում ընթացող Եվրոպայի առաջնության 77 կգ քաշային կարգում Կարապետ Չալյանի մեկնարկային գոտեմարտում մրցել է Շվեյցարիայի ներկայացուցիչ Նիկոլաս Կրիստենի հետ և 11:2 հաշվով պարտության է մատնել նրան:
Ըմբշամարտի Եվրոպայի այս առաջնությունը վարկանիշային չէ Տոկիոյի 32-րդ ամառային Օլիմպիական խաղերի համար:
Հետևի՛ր մեզ քեզ հարմար սոցիալական ցանցում