ԵՊՀ ռեկտորի պաշտոնի համար մրցույթ է հայտարարվել
Երևանի պետհամալսարանի հոգաբարձուների խորհուրդը մրցույթ է հայտարարել ռեկտորի թափուր պաշտոնի համար:
Խորհրդի որոշմամբ՝ այն անցկացվելու է մարտի 23-ին: Դրան կարող են մասնակցել դոկտորի գիտական աստիճան և պրոֆեսորի գիտական կոչում ունեցող անձինք:
Մրցույթին մասնակցելու համար դիմումները պետք է ներկայացնել մինչև մարտի 7-ը:
Ռեկտորի ժամանակավոր պաշտոնակատար Գեղամ Գևորգյանը չի առաջադրելու իր թեկնածությունը: Նա հրաժարվել է պատճառների մասին հայտնել՝ ասելով, որ դա իր իրավունքն է:
ԵՊՀ ռեկտորի թափուր պաշտոնի հավակնորդների առաջադրման, ընտրությունների անցկացման, ռեկտորի նշանակման և նրա հետ աշխատանքային պայմանագրի կնքման կարգը սահմանվում է «Երևանի պետական համալսարան» հիմնադրամի ռեկտորի ընտրության կանոնակարգով:
Հետևի՛ր մեզ քեզ հարմար սոցիալական ցանցում