«Անհրաժեշտ է անհապաղ դադարեցնել ՔԿՀ-ում ինքնավնասում կատարողին կարգապահական տույժի ենթարկելու պրակտիկան»․ ՄԻՊ
Մարդու իրավունքների պաշտպան․
«Անհրաժեշտ է անհապաղ դադարեցնել ՔԿՀ-ում ինքնավնասում կատարողին կարգապահական տույժի ենթարկելու և մեկուսացնելու պրակտիկան»։
Ինքնավնասում կատարած ազատազրկվածին քրեակատարողական հիմնարկում կարգապահական տույժի ենթարկելը և մեկուսացնելն անթույլատրելի է։ Այսպիսի պրակտիկան պետք է բացառվի ու դա պետք է արվի նույնիսկ մինչև օրենքի փոփոխությունը։
Քրեակատարողական հիմնարկներից մեկում Մարդու իրավունքների պաշտպանի աշխատակազմի Խոշտանգումների և վատ վերաբերմունքի կանխարգելման վարչությունն արձանագրել է այդպիսի դեպք։ Այցի արդյունքներով Մարդու իրավունքների պաշտպանը նախաձեռնել է վարույթ և արդյունքում կայացրել խախտման առկայության մասին որոշում:
Հետևի՛ր մեզ քեզ հարմար սոցիալական ցանցում