Բյուրականի աստղադիտարանը կազմակերպում է մրցույթ գրքի և գիտության սիրահարների համար
Փետրվարի 19-ը՝ հայ մեծ բանաստեղծ Հովհաննես Թումանյանի ծննդյան օրը, Հայաստանում նշվում է որպես գիրք նվիրելու օր։
Այդ օրվա կապակցությամբ ՀՀ ԳԱԱ Վ․ Համբարձումյանի անվ․ Բյուրականի աստղադիտարանը կազմակերպում է մրցույթ գրքի և գիտության սիրահարների համար։ Հաղթողը կստանա մի գիրք, որտեղ զետեղված են Վիկտոր Համբարձումյանի մասին վերջինիս աշակերտների և ժամանակակիցների հուշերը։
Այդ մասին տեղեկանում ենք Բյուրականի աստղադիտարանի ֆեյսբուքյան էջում կատարված գրառումից, որում մասնավորապես նշվում է․
«Մրցույթին մասնակցելու համար անհրաժեշտ է՝
▪️բերված հարցին տալ յուրահատուկ պատասխան՝ գրելով այն մեկնաբանությունների դաշտում՝ «Ինչո՞ւմ է կայանում աստղագիտության կարևորությունը»․
▪️կիսվել ֆեյսբուքյան հրապարակմամբ։
Հաղթող կճանաչվի ամենից հետաքրքիր պատասխանի հեղինակը։
Պատասխաններն ընդունվում են մինչև փետրվարի 19-ինը ներառյալ»։