Այսօրվա կառավարության նիստում Նիկոլ Փաշինյանն՝ անդրադառնալով ապօրինի շինարարության դեպքերին, հայտարարեց.

«Հիմա պարզվում է, որ Երևանում դղյակներ կան, որոնք սկզբից մինչև վերջ կառուցվել են ապօրինի: Օրինակ, մի շարք նախկին բարձրաստիճան պաշտոնյաների պատկանող հայտնի առանձնատները ամբողջությամբ ապօրինի շինություններ են: Այդ նույն բարձրաստիճան պաշտոնյաները ջանք են գործադրել, որպեսզի ընդունեն օրենսդրություն ապօրինի շինությունների օրինականացման վերաբերյալ, որ ապօրինի կառուցեն վերջացնեն, և օրինակ այսօր Երևանի քաղաքապետարանն այլ տարբերակ չունենա, քան այդ շինություններն օրինականացնելն է»:

Վարչապետը համապատասխան հանձնարարականներ տվեց պաշտոնյաներին ուսումնասիրել դեպքերը և զեկուցել խնդրի հնարավոր լուծման տարբերակները։

«Երևանի այգիները, լավ տարածքներն ապօրինի զավթել են, և հետո ասում են օրինականացրեք»,- նշել է վարչապետը և հավելել, որ հնարավոր է կարիք լինի ապօրինի շինությունների խնդիրը լուծել անցումային արդարադատության գործիքներով։