Վիեննայում մեկնարկեց Հայաստանի և Ադրբեջանի արտգործնախարարների հանդիպումը
Վիեննայում մեկնարկեց Հայաստանի և Ադրբեջանի արտգործնախարարներ Էդվարդ Նալբանդյանի և Էլմար Մամեդյարովի հանդիպումը: Այս մասին Twitter-ում գրել է Հայաստանի ԱԳՆ խոսնակ Տիգրան Բալայանը:
Հիշեցնենք, որ մինչ այդ ԱԳ նախարար Եդվարդ Նալբանդյանը հանդիպել է նաև ԵԱՀԿ Մինսկի խմբի համանախագահներ Իգոր Պոպովին, Ստեֆան Վիսկոնտիին և Էնդրյու Շոֆերին։ Հանդիպմանը ներկա է եղել ԵԱՀԿ գործող նախագահի անձնական ներկայացուցիչ Անջեյ Կասպրչիկը։
Զրուցակիցները քննարկել են Վիեննայում, Սանկտ Պետերբուրգում և Ժնևում տեղի ունեցած գագաթաժողովների ընթացքում ձեռք բերված պայմանավորվածությունների իրականացմանն ուղղված քայլերը։
Հանդիպման մասնակիցները մտքեր են փոխանակել ղարաբաղյան հիմնախնդրի՝ բացառապես խաղաղ կարգավորման գործընթացի առաջմղման համար բարենպաստ պայմանների ստեղծման շուրջ։
Հետևի՛ր մեզ քեզ հարմար սոցիալական ցանցում