«Կոչ եմ անում չհավատալ մտացածին լուրերին և հետևել պաշտոնական լրահոսին»․ Ա․ Թորոսյանը՝ կորոնավիրուսի հետ կապված կեղծ լուրերի մասին
Երեկ լուրեր էին տարածվել Հայաստանում կորոնավրուսի առկայության և այդ վիրուսով վարակված անձանց առկայության մասին։ Այս առիթով ՀՀ Առողջապահության նախարար Արսեն Թորոսյանն իր ֆեյսբուքյան էջում շտապ հայտարարություն է տարածել՝ այդ լուրերն անվանելով կեղծ։
«Այսօր միանգամից 2 կեղծ լուր շրջանառվեց հավանական կորոնավիրուսով վարակված պացիենտների վերաբերյալ, որոնք տարածվեցին կայծակնային արագությամբ։
Տեղեկացնում եմ, որ մինչ օրս կատարված լաբորատոր քննությունները, որևէ մեկի մոտ կորոնավիրուս չեն հայտնաբերել, այդ թվում Աստղիկ ԲԿ-ում մահացած մեր քաղաքացու մոտ, որի հարազատներին ցավակցում եմ։
Կոչ եմ անում չհավատալ մտացածին լուրերին և հետևել պաշտոնական լրահոսին»։
Հետևի՛ր մեզ քեզ հարմար սոցիալական ցանցում