«Մեր կրթական և կրթաժամանցային ծրագրերը շարոունակվում են...»․ «Էրեբունի» պատմահնագիտական արգելոց-թանգարան
«Էրեբունի» պատմահնագիտական արգելոց-թանգարանը զարգանում է՝ դառնալով հիշարժան և տպավորիչ վայր զբոսաշրջիկների համար։
Վերջերս արգելոց-թանգարան էին այցելել ռուս աշակերտներ, ովքեր մեծ տպավորություններով են հեռացել։ Այս մասին տեղեկանում ենք «Էրեբունի» պատմահնագիտական արգելոց-թանգարանի ֆեյսբուքյան էջից․
«Մեր կրթական և կրթաժամանցային ծրագրերը շարոունակվում են...
Փետրվարի 27-ին, «Էրեբունի» ՊՀԱԹ-ի և «Պրովոդնիկ» ընկերության հետ համատեղ Էրեբունի ամրոցում ռուս աշակերտների համար անցկացվեց էքսկուրսիա, որի ընթացքում սուսի տաճարի մոտ նրանց տրվեց մի քարտեզ: Հետևելով քարտեզի հուշումներին՝ նրանք գտան թանգարանին կից ուսումնական պեղավայրը, որտեղ պեղումներ կատարելով կարասների շրջակայքում՝ ռուս երեխաները հայտանաբերեցին մի քանի սափորներ, իսկ վերջում երկար որոնած գանձերով լի արկղը: Մոտ ապագայում նախատեսվում է իրականացնել նմանօրինակ շատ ծրագրեր:
Ցանկացողները կարող են դիմել հանրահռչակման և մարքեթինգի բաժին՝ զանգահարելով 010-43-89-53 հեռախոսահամարով»։
Նշենք, որ Էրեբունի պատմահնագիտական արգելոց-թանգարանը գտնվում է Էրեբունի 38 հասցեում։