«Գոլդեն Փելեսում» կարանտինում գտնվող քաղաքացիները մինչև շաբաթվա վերջ դուրս կգրվեն
Մարտի 1-ին Իրանից ժամանած և կորոնավիրուսի կարանտինում գտնվող 31 քաղաքացին կրկնակի թեստավորումից հետո, մինչև շաբաթվա վերջ՝ մարտի 15-ը, դուրս կգան կարանտինից։ Այս մասին ասել է Առողջապահության նախարարության մամուլի խոսնակ Ալինա Նիկողոսյանը: Գրում է ՊանԱրմենիան-ը։
Անդրադառնալով ՀՀ-ում վարակի մեկ հաստատված դեպիքն՝ նա նշել է, որ քաղաքացին իրեն լավ է զգում, գանգատներ չունի:
«Կրկնակի թեստ կդրվի, որից հետո, եթե վիրուսը բացառվի, նա դուրս կգրվի: Իսկ Ծաղկաձորում գտնվող «Գոլդեն Փելես» հյուրանոցում մեկուսացման մեջ գտնվող քաղաքացիները նույնպես իրենց լավ են զգում, կրկնակի թեստավորումից հետո, եթե ամեն ինչ լավ լինի, մինչև շաբաթվա վերջ դուրս կգրվեն»,- ասել է Նիկողոսյանը:
ԱՆ խոսնակը նշել է նաև, որ կորոնավիրուսով վարակման նոր դեպքեր երկրում չկան:
Հետևի՛ր մեզ քեզ հարմար սոցիալական ցանցում