ՊՎԾ. ՊՆ-ում դիզվառելիքի գնման գործընթացում խախտումներ են եղել
Պաշտպանության նախարարության կողմից դիզելային վառելանյութի ձեռքբերման գործընթացում խախտումներ են գտել։
Ըստ ՊՎԾ-ի՝ ՊՆ-ում ուսումնասիրվել է 2019թ-ին կարիքների համար դիզելային վառելանյութի ձեռքբերման գնման գործընթացի օրինականությունը և արդյունավետությունը:
Մասնավորապես, ուսումնասիրվել է ՊՆ կողմից «Գազօիլ» ՍՊ ընկերությունից վառելանյութի ձեռքբերման գործընթացը:
Արդյունքում գնման գործընթացին վերաբերող խախտումներ են գտել` նման առարկայի պլանավորման, գնման ձևի ընտրության, մատակարարման, մատակարարված դիզելային վառելանյութի տեխնիկական բնութագրին համապատասխանության և այլ հանգամանքների հետ կապված։
ՊՎԾ-ն ուսումնասիրության արդյունքում կազմված տեղեկանքն ուղարկել է ՀՀ դատախազություն՝ արձանագրված խախտումներին քրեաիրավական գնահատական տալու նպատակով:
Հետևի՛ր մեզ քեզ հարմար սոցիալական ցանցում