«Ադրբեջանում շատ ավելի լուրջ է իրավիճակը». Կարեն Հովհաննիսյանը՝ կորոնավիրուսի տարածման մասին
Քրդագետ, թուրքագետ Կարեն Հովհաննիսյանը ֆեսբուքյան իր էջում գրել է.
«Ադրբեջանում ևս երկու հոգի կորոնավիրուսով են վարակված, երկու հոգի մահացել են երկկողմանի թոքաբորբով (սոցցանցերի օգտատերերը պնդում են, որ վիրուսից են մահացել): Չեղարկվել է հայտնի Զեյնաբ Խանլարովայի մենահամերգը, մեկնարկվել է հեռուստատեսությամբ դպրոցական ուսումնական պրոցեսի անընդհատությունն ապահովող ծրագիրը, ուսումնական հաստատությունների արձակուրդները հնարավոր է մարտի 27-ից հետո նորից շարունակվեն: Նովրուզի տոնակատարությունները չեղարկվել են, բասկետբոլի մրցույթները հետաձգել են, ֆուտբոլային թիմերի ուսումնական պարապմունքները դադարեցվել են, երգիչ-երգչուհիները հրաժարվել են երգել հարսանիքներին՝ հետևելով հարսանիքները հետաձգելու՝ կառավարության հորդորներին, Հեյդար Ալիևի անվան համերգային կենտրոնը փակել է իր դռները...
Ու այսպես՝ ցանկը շարունակելի...
Կարծում եմ, որ Ադրբեջանում շատ ավելի լուրջ է իրավիճակը...»: