«Արայիկ Հարությունյանը թալանել և շարունակում է թալանել Արցախի ունեցվածքը». Վահան Բադասյան
Արցախի նախագահի թեկնածու Վահան Բադասյանը Հանրային հեռուստաընկերության եթերում հայտարարել է.
«Ես մնալու եմ ընդդիմության մեջ, պայքարելու եմ մինչև հաղթի ժողովուրդը, այս հողակտորը՝ Արցախը, լինի Հայաստանի կազմի մեջ և լինի անվտանգ»:
Նրա խոսքով՝ Հայաստանում 2018թ-ին տեղի ունեցած փոփոխությունների շունչը հասել է Արցախ.
«Նախքան հեղափոխությունը Արցախում վիճակն ավելի վատ էր, քան՝ Հայաստանում, որովհետև այստեղ իշխանական լծակներն ավելի ուժեղ էր օգտագործվում»,- նշել է նա:
Եթերի ընթացքում նա իրեն համարել է միակ ընդդիմադիր թեկնածուն:
«Արայիկ Հարությունյանը, լինելով նախորդ իշխանությունների շարունակողը, թալանել և շարունակում են թալանել Արցախի ունեցվածքը. անտառները, անօրեն ՀԷԿ-երը և այլն: Մասիս Մայիլյանը եթե ասի, որ ինքն ընդդիմադիր է, էլի ծիծաղելի կլինի, որովհետև ինքը գնաց կեղծված ընտրություններով հաղթած Բակո Սահակյանի հետ համագործակցելու»,- հայտնել է նախագահի թեկնածուն: