«Նորք» ինֆեկցիոնը սպասարկելու է միայն կորոնավիրուսով վարակվածներին ու կասկածվողներին
Կորոնավիրուսով պայմանավորված՝ «Նորք» ինֆեկցիոն հիվանդանոցը վերապրոֆիլավորվել է և այսուհետ սպասարկելու է միայն կորոնավիրուսային հիվանդության կասկածով և հաստատված պացիենտներին։ Այս մասին հայտնում Առողջապահության նախարարության մամուլի խոսնակ Ալինա Նիկողոսյանը:
«Բոլոր այլ ինֆեկցիոն հիվանդություններով պայմանավորված պացիենտները տեղափոխվել են այլ հիվանդանոցներ»,- գրել է նա:
ԱՆ խոսնակը հորդորել է չխոչընդոտել հիվանդանոցի բնականոն աշխատանքը, մտածել սեփական անվտանգության մասին, հիվանդանոցի շուրջը չիրականացնել նկարահանումներ` հարգելով քաղաքացիների անձնական և բժշկական գաղտնիքի իրավունքը:
Հետևի՛ր մեզ քեզ հարմար սոցիալական ցանցում