Հայտնի է, թե ՀՀ-ում գործող բանկերն ի՞նչ արտոնություններ են տրամադրել վարկառուներին և ի՞նչ զիջումների են գնացել
Կորոնավիրուսի տարածմամբ պայմանավորված Կառավարության կողմից ՀՀ-ում արտակարգ դրության սահմանումը մեծ խնդիր է դարձել աշխատող անձանց համար, ովքեր մեկ ամիս պետք է տանն անցկացնեն և ովքեր ունեն բանկերում վարկեր և վարկի ամսեկան մարումներ։ Կառավարության ղեկավարը՝ հանգստացնելով քաղաքացիներին, հայտարարում է Հայաստանում ֆինանսական կառույցների կայունության մասին։
«Հետք»-ը ամփոփ ներկայացրել է իրավիճակով պայմանավորված՝ վարկեր ունեցող ֆիզիկական անձանց որոշակի արտոնություններ տրամադրած և չտրամադրած բանկերի ամբողջական ցանկը։
Ներկայացնում ենք այն բանկերի ցանկը, որոնք որոշակի զիջումների են գնացել․
«Ակբա-Կրեդիտ Ագրիկոլ» բանկը մարտի 16-ից մինչև մայիսի 30-ը ներառյալ չվճարված վարկերի նկատմամբ տույժ-տուգանքներ չի կիրառի,
«Ամերիաբանկ»-ը մարտի 13-ից մինչև մայիսի 13-ը ներառյալ վարկային արձակուրդ կտա,
«Արարատբանկ»-ն ըստ ցանկության, մարտի 16-ից՝ երկու ամիս ժամկետով վարկային արձակուրդ կտա,
«Արդշինբանկը»-ը քաղաքացիների վարկերի նկատմամբ մինչև մայիսի 15-ը տույժ-տուգանքներ չի կիրառի, իսկ բիզնեսի համար՝ անհատական մոտեցում կցուցաբերի,
«Արցախբանկ»-ը մինչև մայիսի 1-ը տույժ-տուգանքներ վարկերի նկատմամբ չի կիրառի,
«Բիբլոսբանկ»-ը մինչև մայիսի 16-ն է վարկային արձակուրդ կտրամադրի,
«Ինեկոբանկ»-ը մինչև ապրիլի 30-ը ժամկետանց վարկերի նկատմամբ տույժեր չի կիրառի,
«Հայբիզնեսբանկ»-ը մինչև մայիսի 30-ը հետաձգել է ֆիզիկական անձանց վարկերի հերթական մարումները,
«Հայէկոնոմբանկ»-ը մինչև մայիսի 17-ը տույժեր չի կիրառի, բայց հորդորում է եկամուտ ունեցողներին կատարել վարկային պարտավորությունները,
«Յունիբանկ»-ը վարկերի մարման ազատ գրաֆիկ է սահմանել մինչև ապրիլի 14-ը,
«Էվոկաբանկ»-ը մինչև մայիսի 17-ը վարկային արձակուրդ է տվել,
«Կոնվերսբանկ»-ը հնարավորություն է տվել իր հաճախորդներին անհրաժեշտության դեպքում մինչև մայիսի 15-ը հետաձգել վարկերի մարումը։
Բանկերը, որտեղ որևէ փոփոխություն չի կատարվել․
«ՎՏԲ», «Մելաթ», «Էյչ Էս Բի Սի», «Արմսվիսբանկ», «ԱյԴի բանկ»