ՀՀ-ում կորոնավիրուսով վարակվածներից մեկը բուժքույր է
Առողջապահության նախարար Արսեն Թորոսյանը տեղեկացրել է, որ կորոնավիրուսային հիվանդությամբ հաստատված 115 դեպքից 1-ն արձանագրվել է բուժքրոջ մոտ, ով իր մասնագիտական առաքելությունն է իրականացրել ինֆեկցիոն հիվանդանոցում:
Բուժքույրն անմիջապես հոսպիտալացվել է, նրա վիճակը գնահատվում է բավարար, թոքաբորբ չունի։
«Այս օրերին բուժաշխատողներն աշխատում են գերծանրաբեռնված` հաճախ հայտնվելով ռիսկային իրավիճակներում: Նրանք համարվում են վարակվելու ամենախոցելի խմբերից մեկը։ Խնդրում ենք հարգել նրանց աշխատանքը և մնալ տանը»,- ասվում է գրառման մեջ:
Հետևի՛ր մեզ քեզ հարմար սոցիալական ցանցում