Արտակարգ դրության սահմանված կարգը խախտած 158 անձի հանդեպ արձանագրություն է կազմվել
Մարտի 25-ի ժամը 20:30-ի դրությամբ մեկուսացման կամ ինքնամեկուսացման կանոնները կամ ազատ տեղաշարժվելու իրավունքի այլ սահմանափակումները խախտելու փաստերով 158 անձի նկատմամբ վարչական իրավախախտման արձանագրություն է կազմվել, 84-ը՝ մայրաքաղաքում, 74-ը՝ մարզերում։
40 անձ չի ունեցել անձը հաստատող փաստաթուղթ։ Նրանք ներկայացվել են տարածքային ստորաբաժանումներ, որտեղ ճշտվել է նրանց ինքնությունը և կազմվել են արձանագրություններ։
ՀՀ-ում մարտի 16-ից մինչև ապրիլի 14-ն արտակարգ դրություն է՝ կորոնավիրուսի տարածումը կանխելու համար: Մարտի 25-ից երկրում 7 օրով գործում է քաղաքացիների տեղաշարժի սահմանափակում: Հայաստանում մարտի 25-ի առավոտվա դրությամբ կորոնավիրուսով վարակի դեպքերի թիվը հասել է 265-ի, 18 անձ բուժվել է:
Հետևի՛ր մեզ քեզ հարմար սոցիալական ցանցում