Laureus․ Ֆեդերերը և Սերենա Ուիլյամսը ճանաչվել են տարվա լավագույն մարզիկ և մարզուհի
Ռոջեր Ֆեդերերը Laureus ակադեմիայի վարկածով ճանաչվել է 2017թ․-ի լավագույն մարզիկ: 36-ամյա շվեյցարացի թենիսիստը 6-րդ անգամ է արժանանում այս մրցանակին, հայտնում է Laureus-ի պաշտոնական կայքը։
Հավակնորդների թվում էին նաև՝
-Մադրիդի «Ռեալի» պորտուգալացի հարձակվող Կրիշտիանու Ռոնալդուն,
-իսպանացի թենիսիստ Ռաֆայել Նադալը,
-հեծանվորդ Քրիստոֆեր Ֆրումը,
-Ֆորմուլա-1-ի չեմպիոն Լյուիս Հեմիլթոնն,
-աթլետ Մո Ֆարան։
Ռոջեր Ֆեդերերին բաժին է հասել նաև «Տարվա վերադարձ» մրցանակը։
Տարվա լավագույն մարզուհի է ճանաչվել ամերիկացի թենիսիստ Սերենա Ուիլյամսը, իսկ Ֆորմուլա-1-ի «Մերսեդես» ակումբը տարվա լավագույն թիմն է։ «Մերսեդեսն» առաջ է անցել Մադրիդի «Ռեալից» ու Բասկետբոլի ազգային ասոցիացիայի (NBA) գործող չեմպիոն «Գոլդեն Սթեյտից»։
Աղբյուրը` այստեղ
Հետևի՛ր մեզ քեզ հարմար սոցիալական ցանցում