ԱԿԲԱ բանկի հաճախորդները կարող են վարկերի հայտեր լրացնել առցանց
ԱԿԲԱ-ԿՐԵԴԻՏ ԱԳՐԻԿՈԼ Բանկն աշխատում է հատուկ ռեժիմով և շարունակում ՓՄՁ-ների և գյուղատնտեսության ոլորտի ֆինանսավորումը, ինչպես նաև իրականացնում է դրանց զարգացման տարբեր ծրագրեր:
Աշխատելով արտակարգ ռեժիմում՝ բանկը չի դադարեցրել պետության և հասարակության համար կարևոր և ռազմավարական ուղղությունների ֆինանսավորումը: Այս պահին բանկի կարևորագույն նպատակներից մեկը Հայաստանում գյուղատնտեսական և ՓՄՁ ոլորտների պատշաճ ֆինանսավորման շարունակականության ապահովումն է:
Հանդիսանալով ՀՀ-ում գյուղատնտեսության ոլորտի խոշորագույն վարկավորողը և գիտակցելով ներկա իրավիճակով պայմանավորված բոլոր ռիսկերը՝ բանկը շարունակում է գյուղատնտեսության ոլորտի վարկավորման բնականոն ընթացքը։ Բանկի հաճախորդները կարող են վարկերի հայտեր լրացնել առցանց, որն էլ ավելի կարագացնի և դյուրին կդարձնի վարկավորման գործընթացը՝ նվազագույնի հասցնելով աշխատակիցների և հաճախորդների առերես շփումները։
2020-ի սկզբից մինչ օրս Բանկի կողմից գյուղատնտեսական ոլորտին տրամադրվել է 13.9 մլրդ ՀՀ դրամ ընդհանուր ծավալով վարկեր, որից 5,2 մլրդը մարտ ամսին, իսկ փոքր ու միջին ձեռնարկություններին՝ ընդհանուր 12.4 մլրդ ՀՀ դրամ ծավալով, որից 5,4 միլիարդը՝ մարտին:
Բանկը շարունակում է նշված ոլորտների ֆինանսավորման անխափան գործընթացը՝ մասնակցելով կառավարության կողմից կորոնավիրուսի տնտեսական հետևանքների չեզոքացման ծրագրերին:
Մասնավորապես ՝
• գյուղատնտեսական և ՓՄՁ վարկի սուբսիդավորում,
• ՓՄՁ վարկի համաֆինանսավորում,
• ՓՄՁ վարկի վերաֆինանսավորում։
Գյուղատնտեսական վարկերի ստացման դիմումները կարելի է լրացնել առցանց։
ՓՄՁ վարկերի ստացման դիմումները կարելի է լրացնել առցանց։
Հարցերի դեպքում կարելի է զանգահարել Բանկի շուրջօրյա գործող հեռախոսահամարներին՝ 010 31 88 88, 010 31 99 99 կամ հաղորդագրություն գրել Բանկի ֆեյսբուքյան էջին։