Պետրոս Ղազարյանը ազատվել է Հանրայինի լրատվականի տնօրենի պաշտոնից
Հայաստանի հանրային հեռուստաընկերության գործադիր տնօրենի ժամանակավոր պաշտոնակատար է նշանակել ստեղծագործական հարցերով տնօրենի տեղակալ Արմեն Սարգսյանը, լրատվական ծառայության տնօրեն Պետրոս Ղազարյանը և հեռուստաընկերության պրոդյուսեր Վարդան Հակոբյանն իրենց դիմումների համաձայն ազատվել են պաշտոններից, հայտարարել է Հանրային հեռուստառադիոընկերության խորհուրդը։
«Լրատվական ծառայության տնօրենի ժամանակավոր պաշտոնակատար է նշանակվել տնօրենի տեղակալ Ռուբեն Շահինյանը։ Առաջիկայում Խորհուրդը կձևավորի մրցութային հանձնաժողով և կհայտարարի մրցույթ Հանրային հեռուստաընկերության գործադիր տնօրենի պաշտոնի համար»,- նշված է հայտարարությունում:
Խորհրդից նաև ափոսոսանք են հայտնել ՀՀ վարչապետի տեսաուղերձի հեռարձակմանն առնչվող միջադեպի համար, որի հետևանքով Հանրայինի գործադիր տնօրեն Մարգարիտա Գրիգորյանը «պարտավորված է եղել» հրաժարական տալ։ Նշվում է, որ խորհուրդն ընդունել է Գրիգորյանի հրաժարականը։