Պանարմենիան մեդիա դպրոցի շրջանավարտները դիպլոմներ ստացան
Այսօր տեղի ունեցավ Պանարմենիան մեդիա դպրոցի երկրորդ սերնդի շրջանավարտների դիպլոմների հանձնման հանդիսավոր արարողությունը: Դպրոցի տնօրեն Նաիրա Իսահակյանը լրագրողների հետ զրույցում նշեց, որ նախագիծը սկսվել է 2016թ․-ին, ունեն երեք սերունդ, և այսօր երկրորդ սերունդն է ավարտում: Այս մասին հայտնում է tert.am-ը։
«Նախագիծը ստացվել է, և հենց այդ պատճառով մենք բացում ենք երեք նոր խումբ։
- հեռուստատեսային դիմահարդարումն է,
- խումբը մեդիակոմերցիան է, դա թվային մարքեթինգն է, մեդիապլանավորումն է՝ կապված է հեռուստատեսային գովազդի զարգացման հետ,
- վոկալի խումբն է։
Այս պահին 120 հոգանոց երկու խմբից 25-ից ավելի ուսանողներ աշխատում են «Պանարմենիան Մեդիա Գրուպում»:
Դպրոցի շրջանավարտներն առաջիկա երկու ամսում «Պանարմենիան Մեդիա Գրուպում» կանցնեն պրակտիկա, այնուհետև լավագույնները աշխատանքի են անցնելու նաև այլ հեռուստատեսություններում: Իսկ օգոստոսին չորրորդ սերունդն են ընդունելու:
«Արմենիա» հ/ը լրատվական դեպարտամենտի գլխավոր խմբագիր Գնել Նալբանդյանը, իր խոսքն ուղելով շրջանավարտներին, նշեց, որ այս պահից նրանք դառնում են մրցակիցներ:
«Առաջիկա երկու ամսվա ընթացքում նրանք, ովքեր կկարողանան հաղթահարել պրակտիկայի դաժան ուղին, գուցե կկարողանան աշխատանք գտնել այստեղ, եթե ոչ այստեղ, ապա մեկ ուրիշ տեղ: Ամեն դեպքում ես համոզված եմ, որ բոլորդ հրաշալի անձնավորություններ եք», - ասաց Գնել Նալբանդյանը:
«Մեդիա կոմերցիա» դասընթացի շրջանում մասնակիցները.
- կսովորեն ինչպես պլանավորել և բաշխել գովազդային բյուջեն տարատեսակ լրատվամիջոցների (հեռուստատեսություն, ռադիո, ինտերնետ, սոցցանցեր և այլն) միջև առավելագույն արդյունք ապահովելու համար,
- կքննարկեն մարքեթինգային (գովազդային, PR, թվային և SMM արշավների) խնդիրներն ու նպատակները, գնահատման չափանիշները, ավանդական և նոր մեդիաների հնարավորությունները,
-կբացահայտեն, թե ինչով է PR-ը տարբերվում գովազդից: Կներկայացվեն PR-ի տեսակները,
- կծանոթանան դիջիթալ մեդիա գովազդի տարատեսակներին և տարբերություններին, վաճառքի մոդելներին,
- կբացահայտեն թվային մարքեթինգի գործիքներն ու առանձնահատկությունները, մարքեթինգային արշավների մշակման և իրականացման գործընթացները,
- կծանոթանան SMM մասնագետի հմտություններին՝ ինչպես Facebook-ում արդյունավետ հրապարակումներ անել, Instagram-ում 3K+ հետևորդներ ունենալ»: