Ռեդմոնդ քաղաքի հայկական միակ Սուրբ Հարություն եկեղեցին հարձակման է ենթարկվել
ԱՄՆ Վաշինգտոն նահանգի Ռեդմոնդ քաղաքի հայկական միակ սբ Հարություն եկեղեցին հարձակման է ենթարկվել։
Վանդալները կոտրել են խորանի հետևի պատուհանի ապակիները։ Այս մասին գրում է «Արևելք» թերթը՝ ԱՄՆ Արևմտյան ափի առաջնորդարանին մոտ աղբյուրներին հղումով։
Ապակիները կոտրելու համար օգտագործել են բակում գտնվող Հայոց ցեղասպանության նահատակների հուշարձանի սալահատակ քարերը։
Դեպքը տեղի է ունեցել օրեր առաջ։ Իրավապահներն իրազեկվել են պատահարի մասին։ Հետաքննություն է ընթանում։
Հետևի՛ր մեզ քեզ հարմար սոցիալական ցանցում