«Բոլորս պետք է հետևենք մի շարք պարզ կանոնների վիրուսի տարածումը կանխարգելելու համար». Լևոն Գալստյան
Բնապահպան Լևոն Գալստյանը ֆեյսբուքյան իր էջում գրել է.
«Բոլորս պետք է հետևենք մի շարք պարզ կանոնների, որոնք հստակ պահպանելու դեպքում վիրուսի տարածումն ու ծանր դեպքերը կպակասեն, առողջապահական համակարգն էլ կկարողանա սպասարկել բոլորին
- Հնարավորության դեպքում տեղաշարժվեք միայն ոտքով կամ հեծանիվով՝ խուսափելով մարդաշատ վայրերից։
- Վիրուսի ախտանիշներ, առողջական այլ լուրջ խնդիրներ ունեցողներն ու 60-անց մարդիկ տնից դուրս պետք է գան միայն խիստ անհրաժեշտության դեպքում։
- Բոլոր վայրերում մարդկանցից պահեք առնվազն 1,5-2 մետր հեռավորություն։
- Փակ տարածքներում և մարդկանց հետ շփվելիս կրեք պաշտպանիչ որակյալ դիմակներ։
- Չլվացված կամ ախտահանված մատներով չդիպչել աչքերին, քթին ու բերանին։
- Տուն վերադառնալուց հետո անմիջապես մանրակրկիտ տրորեք ձեռքերն օճառաջրով մոտ 40 վայրկյան ու լվացրեք։
- Ընդհանրապես ձեռքերը լվացեք հնարավորինս հաճախ, եթե չկա դրա հնարավորությունն՝ օգտագործեք ախտահանիչ նյութեր։
- Տարեցները, այլ առողջական խնդիրներ ու վիրուսային հիվանդության ախտանիշներով մարդիկ պետք է հնարավորինս մեկուսանան նաև տան մյուս անդամներից։
- Վիրուսային հիվանդության ախտանիշների խորացման դեպքում խորհրդակցեք բժիշկների հետ։
- Մոտ 80 տոկոս դեպքերում հիվանդությունն անցնում է առանց որևէ բարդությունների ու բժշկական օգնության կարիք չի լինում»:
Հետևի՛ր մեզ քեզ հարմար սոցիալական ցանցում